Bila kuwekeza shuleni Tanzania ya Viwanda bado

 Na Komba Kakoa

KATIKA kuunga mkono sera ya za serikali ya awamu ya tano ya Tanzania ya viwanda wataalamu wa kuviendesha ni hitaji mtambuka ili kuweza kufikia lengo la kuzalisha bodhaa bora za kuuza katika soko la ndani na hata nje ya nchi.

Ili kufanikisha upatikanaji wa wataalamu watakaotumika ipasavyo katika kuendesha viwanda hivyo serikali pamoja na jamii kwa ujumla inapaswa kuwekeza katika sekta ya elimu husuani kuhimiza watoto kujifunza vyema masomo ya sayansi na kuyapa kipaumbele.

Moja ya majengo yanayomilikiwa na shule ya St. Methiew

Kutokana na umuhimu wake kuelekea maazimio ya kupata Tanzania ya Viwanda ambayo ni dhahiri kwamba ni mhimili mkubwa katika kupata ajira za kuendesha viwanda hivyo kuliko kuajiri wageni.

Kwamba ni wajibu wazazi, walezi na walimu ambao ndio mhimili wa shule  kushirikiana kwa ukaribu kusimamia maendeleo ya watoto huku wakiwahimiza zaidi kuchukua michepuo ya masomo ya Sayansi kuliko kuwaachia walimu peke yao.

Kwamba ushirikiano huo utaweza kufanikiwa kwa kiwango kikubwa kufikia sera ya Matokeo makubwa sasa (BRN) pamoja na kurahisisha upatikanaji wa viwanda vyenye uzalishaji wa bidhaa bora.

Mbali na sayansi pia serikali inalo jukumu la kurudisha michepuo ya kilimo na ufundi lengo likiwa ni kupata wataalamu wengi ambao watatoa ushirikiano katika utekelezaji wa sera iliyoanzishwa ya viwanda ambapo taifa litaweza kutengeneza mapato na klujiendesha yenyewe bila kutegemea wahisani.

Kwani bila kuwekeza kwenye elimu na kuzalisha wataalamu na kukimbilia uanzishwaji wa viwanda hali hiyo inawezakuwa kikwazo kwa maendeleo na ustawi wa viwanda hivyo.

Katika kuzingatia hilo mwalimu Mkuu wa shule ya St. Mathew iliyopo Wilayani Mkuranga katika mkoan wa Pwani Christopher Segereti anasema suala la Tanzania ya Viwanda litaweza kuzalisha ajira kwa Watanzania wengi jambo ambalo litambunguza wimbi la ukosefu wa ajira.

Segereti aliyasema hayo katika mahafari ya 16, ya kidato cha nne ya shule hiyo ambapo alisema kuwa wanafanya hivyo ili kuweza kwenda sambamba na serikali katika kuhakikiza kuwa miongoni mwa wataalamu watakaosimamia viwanda hivyo wawe wanatoka katika shule hiyo.

“Ni muda mrefu tumekuwa tukihamasiha watoto kujifunza masomo ya sayansi kwasababu ndo yenye wigo mpana wa ajira, lakini pia baada ya serikali kutangaza sera yao tukaona ni vyema tuongeze nguvu zaidi,” anasema Segereti.

“Katika kuhakikisha kwamba tunamuunga mkono rais Magufuli mpaka sasa nusu ya wanafunzi wangu wameachukua michepuo ya Sayansi pai tunaongeza jitihada za kuhakikisha wanaongezeka na kufikia robo tatu ya wanafunzi wetu na zaidi,” anaongeza Segereti.

Anasema ili kufikia malengo shule yake imekuwa mstari wa mbele katika kuhamasisha wanafunzi kusoma masomo ya sayansi ili wataalamu wapatikane kwa wingi.

“Mwitikio wa wanafuzi kusoma masomo ya sayansi umekuwa mkubwa hivyo katika kuwatia kuwatia moyo tumewajengea maabara za kutosha kwa masomo ya Baiolojia, Fizikia, Chemisty pamoja na Komputer ili waweze kujifunza zaidi kwa vitendo,” anasema.

Aidha Segereti anasema katika kuwawezesha wanafunzi kujisomea vizuri shule yake imejitahidi kuimarisha miundombinu ya kujifunzia ili waweze kujifunza katika mazingira safi na yenye utulivu jambo ambalo litawasaidia kufaulu vizuri.

“Mbali na miundombinu pia tuna walimu wa kutosha wenye uweledi wa kusoma tabia za wanafunzi na kuwasaidia kupambana na changamoto za kimasomo ili waweze kufaulu vizuri masomo yao na kuendelea na vyuo vikuu,” anaongeza.

Kadhalika akizungumzia maendeleo ya shule, Segereti, anasema shule yao inazingatia misingi bora ya kujifunzia pamoja na kuwalea wanafunzi vyema na kuwajengea nidhamu na maadili wakiamini kwamba ndio nguzo pekee ya kufikia malengo waliyojiwekea.

"Mwanafunzi mwenye nidhamu ndio mara nyingi ufanya vizuri darasani,hivyo nasi tunawajengea wanafunzi wetu nidhamu ili wawe na maadili na waweze kufanya vizuri darasani,''anasema.

Segereti anaongeza kuwa katika kipindi cha miaka mitatu 2013/2015 katika mitihani ya matokeo ya kidato cha nne shule yao ilifanya vizuri ambapo wanafunzi walifaulu kwa asilimia 99.

Anasema mafanikio hayo yanachangiwa na uwezo mkubwa kutoka kwa walimu na miundombinu mizuri ya shule ambapo imeimarisha miundombinu wameweka maabara tatu za kisasa, Zahanati kwa ajili ya kutoa huduma kwa wanafunzi.

Anabainisha matarajio mengine kuwa ni kujenga ghorofa ya kisasa lenye uwezo wa kuchukuwa wavulana 800 ambapo litakuwa bweni.

Segereti anasema kuwa ili wanafunzi waweze kupata elimu bora, walimu nao wanapaswan kupewa kipaumbele katika stahiki zao pamoja na kupewa motisha mbalimbali ambazo zinawahamasisha kufanya kazi kwa moyo mmoja “Kwa kuzingatia hilo walimu wetu wanafunzi na wazazi tunawapatia motisha mbalimbali hali ambayo huchangia shule yetu kupata matokeo mazuri.

“kwa mwalimu anayejitahidi katika masomo yake hupewa zawadi mbalimbali zikiwemo gari, pikipiki, fedha taslimu, pamoja na kupelekwa nchi za kiarabu kwa mapumziko pamoja na kupata mafunzo.

Kwa upande wa wanafunzi wanaofanya masomo yao vizuri huwapatia vitabu na punguzo la ada.

Anaongeza kuwa motisha kwa wazazi ni punguzo la ada kwa asilimia 50 kama mzazi ana watoto katika shule hiyo zaidi ya wawili.

Kwa upande wake Peter Mutembei ambaye ni mwanasheria wa shule hiyo anasema kuwa wanaishukuru seriali kwa kutambua mchango wa sekta binafsi na ambazo zimeamua kuwekeza katika elimu.

Akisoma risala kwa niaba ya Mkurugenzi na mmiliki wa shulehiyo Dk. Mutembei, Annasima Mutembei anasema shule yao inajitahidi kuwamasisha wanafunzi kusoma sayansi.

Annasima Mutembei ambaye ni mtoto wa Dk. Mutembei pia ni mwalimu anaongeza kuwa ana imani mafunzo waliyowapatia watoto hao yatawasaidia kupambana na na mazingira pamoja na kufanya vizuri katika mitihani yao.

“Ninawaomba nyote maohitimu leo muitumie elimu mliyoipata vizuri na pia jitahidini kujikinga na kujiepusha na makundi yasiyofaa pale mtakaporudi nyumbani,”.

Mbali na wanafunzi pia wazazi nawaombeni muwapokee watoto wenu tuna imani wamefaidika na mafunzo hivyo muweze kuwaendeleza kielimu pamoja na kutumia fursa mbalimbali ili waweze kufikia malengo,’.

Naye Mdhibiti Mkuu wa Ubora wa Elimu kanda ya Mashariki Regina Alevo, anasema kuwa vijana wanapaswa kutumia fursa mbalimbali zikiwemo za kujifunza na kujiendeza ili waweze kufikia malengo.

Aidha Alevo anasema kuwa shule zote zinapaswa kuiga mfano wa shule hiyo kwa kuhamasisha wanafunzi kusoma sayansi kwani kufanya hivyo kutaongeza wataalamu wa fani hiyo ambao wataisaidia jamii.

Aidha Alevo anaongeza kuwa serikali inatambua mchango elimu ambao unatolewa na sekta binafsi kutokana na kuwasaidia Watanzania wengi kupata elimu na kuwataka walimu kuhakikisha wanatumia weledi ilin waweze kutoa elimu bora kwa wanafunzi ili iweze kuwasaidia kwa maisha yao ya baadaye.

Alevo alimpongeza Dk. Mutembei kwa kutunukiwa Shahada ya uzamivu ya Elimu na chuo cha Africa Graduate University cha nchini Sierra Leone kutokana na mchango wake katika sekta ya elimu.

==================